Հաշվետվությունը իրականացվել է ԵՄ կողմից մշակված "Acquis-ի իրականացման համար պահանջվող հիմնական վարչական կառույցների վերաբերյալ ուղեցույցի" հիման վրա և դրանում հաշվի են առնված ուղեցույցում հատկորոշված հենանիշերը: Հաշվետվությունն ուսումնասիրում է սննդամթերքի անվտանգության, անասնաբուժության և բուսասանիտարիայի քաղաքականության բնագավառում իրականացման, վերահսկողության և կիրարկման համար պատասխանատու` Հայաստանի վարչական կառույցների կարողությունները: Սննդամթերքի անվտանգությանը վերաբերող ինստիտուցիոնալ կառույցների և վարչական կարողությունների գնահատումը միացված է բուսասանիտարիայի և անասնաբուժության մասերին, հաշվի առնելով այն, որ Հայաստանում նշված ոլորտներում գործում են միևնույն մարմինները: Հաշվետվությունում, վարչական խնդիրներին զուգահեռ` ծանոթացման նպատակով տեղ են գտել և քննարկվել են նաև Եվրամիության երկրների փորձը, վարած քաղաքականություններն ու դրանց իրականացման միջոցներն ու գործակառույցները: Հաշվետվությունը ներառում է առաջարկություններ` ուղղված Հայաստանում համապատասխան կարողությունների զարգացմանն ու կատարելագործմանը: Հաշվետվությունը ներկայացվել է շահառուներին փակ աշխատաժողովի ընթացքում, որի արդյունքում ստացված առաջարկությունները նույնպես ընդգրկվել են հաշվետվությունում:

     Գործընկերության և համագործակցության համաձայնագրի իրականացման ազգային ծրագրի (ԱԾ) հաջող իրականացումն էապես պայմանավորված է տեխնիկական օժանդակության առկայությամբ, դրա ծավալով և տեսակներով: Այնուամենայնիվ, մինչև օրս պարզ չէր, թե ինչ ծավալներով և ինչ տեսակի տեխնիկական աջակցություն է անհրաժեշտ ԱԾ իրագործման գործընթացին աջակցելու համար:
     Նախատեսվում է, որ այս հաշվետվությունը կծառայի որպես ուղեցույց` ԱԾ իրականացման համար անհրաժեշտ տեխնիկական օժանդակության ներգրավման գործընթացում, ինչպես նաև կօգտագործվի ՀՀ կառավարության կողմից` դոնոր հանրության հետ տեխնիկական օժանդակության ներգրավման վերաբերյալ բանակցությունների ընթացքում և այդ օժանդակության համակարգման համար:

     Վարչական կարողությունների գնահատման շրջանակներում AEPLAC-ն իրականացրել է Հայաստանում Վիճակագրական ոլորտի կարողությունների գնահատում: Հաշվետվության մշակման ընթացքում գնահատվել և եվրոպական փորձի հետ են համեմատվել Վիճակագրության իրավական հիմքերն ու վարչական կառույցները:
     Գնահատումը հիմնված է §Acquis-ի կիրարկման համար պահանջվող հիմնական վարչական կառույցների ուղեցույցի¦ վրա և մշակվել է Եվրոպական հանձնաժողովի փորձագետների կողմից:

    Այս հաշվետվությունը ներկայացնում է այն իրավիճակի համապարփակ նկարագիրը, որը հիմք կծառայի տարեկան կտրվածքով ԳՀՀ ազգային ծրագրի իրականացման արդյունքները, Acquis Communautaire-ի "Ապրանքների ազատ տեղաշարժ" գլխի իրականացմանն օժանդակելու համար անհրաժեշտ ինստիտուցիոնալ ենթակառուցվածքի զարգացումը գնահատելու և բացերը հետագայում վերհանելու համար: